შვედეთის ქალაქ მალმიოში სროლის შედეგად სამი ადამიანი დაიჭრა. მათგან ორის მდგომარეობა მძიმეა. ისინი საავადმყოფოში ექიმების მეთვალყურეობის ქვეშ არიან. დაშავებულთა ასაკი 20-დან 25 წლამდეა.
როგორც ცნობილია, სროლა ერთ-ერთ შენობაში მოხდა, სადაც 100-მდე ადამიანი იმყოფებოდა. შემთხვევის ადგილზე საგამოძიებო მოქმედებები მიმდინარეობს. ამ ეტაპზე ადგილობრივ პოლიციას ეჭვმიტანილი არ ჰყავს. სამართალდამცველებმა არ იციან, თუ ვინ და რა მოტივით გახსნა ცეცხლი.